القائمة الرئيسية

الصفحات

الجزء الثاني من سلسلة مقالات اتعلم سيو صح ما هو السيو وطريقة تصدر نتائج البحث فى جوجل ؟ الSEOوتصدر نتائج البحث. ازاي اعلي ارباح مدونتي أو قناتي علي اليوتيوب باستخدام الكلمات المفتاحية؟ تصدر نتائج البحث في2022 بتطبيق مفردات السيو أو SEO في مقالاتك !

 الجزء الثاني من سلسلة مقالات اتعلم سيو صح ما هو السيو وطريقة تصدر نتائج البحث فى جوجل ؟ الSEOوتصدر نتائج البحث. ازاي اعلي ارباح مدونتي أو قناتي علي اليوتيوب باستخدام الكلمات المفتاحية؟ تصدر نتائج البحث في2022 بتطبيق مفردات السيو أو SEO في مقالاتك !

الجزء الثاني من سلسلة مقالات اتعلم سيو صح ما هو السيو وطريقة تصدر نتائج البحث فى جوجل ؟ الSEOوتصدر نتائج البحث. ازاي اعلي ارباح مدونتي أو قناتي علي اليوتيوب باستخدام الكلمات المفتاحية؟ تصدر نتائج البحث في2022 بتطبيق مفردات السيو أو SEO في مقالاتك !



السلام عليكم و علينا 😅

في المقال اللي فاتت تناولنا بعض التعريفات البسيطة المرتبطة بالسيو، وعرفنا اي هو السيو ؟ وعرفنا انه مصطلح اجنبي بنختصره لSEO واتكلمنا عن أهميته وهي إجمالا رفع مقالاتك وظهورها في الصفحات الأولي من نتائج البحث.

واتكلمنا عن الدومين وعلاقته بالسيو ودوره في قبولك في جوجل ادسنس واتكلمنا عن الاستضافة والفرق بين الاستضافة والدومين واي اي هي أهم مواقع الاستضافة، اتكلمنا كمام عن القالب وأهميته كمظهر لمدونتك وليه لازم يكون مرن وكمان قولتلك ازاي تحصل علي قوالب ؟

النهارده هنكمل علي إللي فات وهنعرف مع بعض بعض المصطلحات المهمة والمرتبطة بدرجة كبيرة بالسيو أو بال SEO خلينا نبدأ

أولا الكلمات الدلالية أو الكلمات المفتاحية

يعني اي كلمة مفتاحية؟

الكلمات المفتاحية هي الكلمات اللي بيعتمدها محرك البحث

ازاي؟

يعني لو انت كتبت دلوقتي ازاي اعمل المكرونه؟ فهل النتائج اللي هتظهر هتتكلم عن ازاي تعمل الارز

لا

طيب الكلمة المفتاحية هنا المكرونة جوجل بيمشي وراها لحد مايجيبلك كل النتائج المتعلقة بيها...بداية من ازاي اعمل مكرونه لحد ما هو المكرونه وهل المكرونه اصلا نبات زي الأرز ولا لا.

وكل ما يكون مقالات مليان كلمات مفتاحية كل ما تكون فرصة ظهورك في نتائج البحث الأولي اكبر واكبر.

اي أهمية الكلمات المفتاحية؟

دلوقتي لو انت اعتمدت في مقالاتك علي كلمات الناس بتستهدفها عند البحث عن موضوعك أو موضوع قريب من موضوعك ففرصة ظهورك هتكون اكبر زي ما قولنا وكل ما فرصة ظهورك تكون اكتر فجوجل هيحبك اكتر بالتالي الاعلانات بتاعتك تكون اكتر ونسبة ارباحك تكون اكتر ودا اللي انت عايزه انك تعلي أرباحك مش كدا ولا اي.

انواع الكلمات المفتاحية

مهم جدا أنك تبقي عارف الباحث، عن قبل ماتكتب اي مقاله حط نفسك مكانه في كل الحالات، شوف لو أنت مكانه ومحتاج تبحث عن موضوع المقال اللي انت كاتبه هتبحث تقول اي ، اي الكلمة اللي هتكتبها لأن كل كلمة أنت بتكتبها عند البحث جوجل بيتعامل معاها علي انها كلمة مفتاحية، وعشان أنا وأنت مش هنقدر نحصر الكلمات دي جوجل بيساعدنا بأدوات هقولك عليها كمان شوية بس قبل الأدوات مهم انك تكون عارف اي نوع الكلمة الأول.

وانواع الكلمات المفتاحية تلاته هما كالاتي

1. Go Keywords

النوع دا من الكلمات بيستخدم في البحث عن مواقع محددة زي يوتيوب أو منصة تواصل اجتماعي زي تويتر أو فيسبوك أو لاعب كرة مثل محمد صلاح.وبيطلق عليه

 Branded Ssearchs

2.Know Keywords

النوع دا بيستخدم عند البحث عن بعض المعلومات المحددة زي معرفة الفائزين بجائزة نوبل أو مكونات الخلية والبيانات التي تتعلق بالقمر.

3- Do Keywords

النوع دا من الكلمات المفتاحية بيستخدم لما تكون حابب تدور علي اكلة معينه ازاي بتتعمل اوفين بتتباع .

او اقرب مطعم بيقدم النوع دا من الطعام.

ودا من أصعب أنواع الكلمات المفتاحية ودا لوجود منافسة شديدة بترجع إلى الأرباح من خلال الشراء أون لاين أو أوف لاين.

ادوات تساعدك في الحصول علي الكلمات المفتاحية

اتكلمنا عن انواع الكلمات المفتاحية دلوقت مهم ليك تعرف منين تجيب الكلمات المفتاحية دي!!!

ازاي تحصل علي الكلمات المفتاحية المناسبة للمحتوي بتاعك

كصاحب محتوي أو صاحب موقع فمهم جدا انك تكون عارف اي هي الكلمات المفتاحية المتداولة علي محركات البحث، عشان تقدر تضيفها لموقعك او المحتوي اللي بتنزله بالتي تقدر تجذب عدد أكبر من الزوار والحركة تكون مستمره في موقعك.

ولأن انت زي ما قولنا فوق مش هتقدر تحصر كل الكلمات اللي ممكن غيرك يبحث عنها ، فدلوقتي فيه مواقع وظيفتها كدا ، أنها تقولك علي اهم الكلمات المفتاحية المتداولة في الموضوع اللي انت بتناقشه.

الأدوات أو الموقع دي متوفره علي الشبكة ومنها 👇👇👇👇

KeywordPlanner

تعتبر من أشهر الأدوات اللي تتتبع محرك البحث جوجل بصورة مباشرة وعشان كدا هو أكثر دقة ومصداقية، وبيوضح المعدل الخاص بعمليات البحث على الكلمات المفتاحية اللي أنت بتحطها في موضوعك، ويُتيح المحرك تلك الأداة بكافة المزايا الخاصة بها للمعلنين بشكل خاص على جوجل أدووردز، وتقدر تستخدمها بصورة مجانية عشان تتعرف على مؤشرات الكلمات المفتاحية والعمليات الخاصة بها.

Kwfinder

الأداة دي منتشرة بشكل كبير بين المستخدمين وخاصة بين المهتمين بالـ SEO ومالكي المواقع، وبتعمل علي توفير الإحصائيات اللي بتتواجد في الأداة الأولى ☝️ عليها من خلال توافر معدل الصعوبة الخاص بالكلمات المفتاحية.

يمكن استخدامها في معرفة مستوى صعوبة المنافسين كما أنها من الأدوات زهيدة الثمن بالمقارنة مع العديد من الأدوات االتانية

 MozExplorer

شركات التسويق بتحب الأداة دي وبتفضلها بشكل خاص بالإضافة إلى محترفي الـ SEO، ودا لأنها بتمتلك إمكانيات مختلفة والأدوات التي تصاحبها مع إشتراك المدفوع داخل MOZ و عيبها الوحيد بيتمثل في الأسعار المرتفعة، وعشان كدا مش بيُفضلها الأفراد ومالكي المواقع الحديثة، كمان ليك الإمكانية في انك تستخدم الأداة دي 10 مرات في اليوم الواحد.

 KeywordTool.io

من الأدوات المميزة اللي بتقوم بإظهار عدد العمليات الخاصة بالبحث عن الكلمات المفتاحية المتنوعة، كما تُتيح التعرف على العدد الخاص بعمليات البحث في المواقع المتنوعة مثل اليوتيوب وبينغ وأمازون ومنصات التواصل الاجتماعي زي انستقرام.

ويختار العاملين في الأفلييت ومجال التسويق بالعمولة هذه الأداة لانها بيمكنها جمع الكتير من المعلومات عن الزائرين للمواقع المتنوعة مما يخدم الغاية اللي يطمح إليها المستخدم.

أهم المعلومات عن الكلمات المفتاحية

في بعض النقاط الهامة اللي يجب الالتزام بها عند اختيار الكلمات المفتاحية اللي بتتلاءم مع محتوى الموقع وهي كالتالي:

  •  لازم اختار الكلمات المفتاحية اللي بتمتاز بوجود نسبة مرتفعة من البحث عليها في محرك البحث، مثلاً يكون عدد عمليات البحث عنها في الشهر الواحد 1000 مرة، وماينفعش انك تكتفي بالحدس أو التوقعات فقط بما سيهتم بها المستخدمون.
  • ·في بعض المجالات اللي تتطلب اختيار كلمات مفتاحية مطولة، وظهرت دراسة خاصة بموقع MOZ تُشير بأن هناك نسبة أكثر من 78% لعمليات البحث في محرك جوجل تأتي من نوع الكلمات المفتاحية المطولة وتكون أكثر من 3 كلمات، ويقل معدل البحث عنها بالمقارنة مع الكلمات المفتاحية التانية.فنخلي بالنا منها.

  • ضروري نراعي الربط الداخلي بين جميع الصفحات الخاصة بالموقع من خلال اختيار الكلمات المفتاحية المستهدفة لتظهر على محرك البحث جوجل، ولما بشوف المحرك أن الموقع متخصص في مجال معين يدفع النتائج إلى أولى صفحات جوجل.


وبس كدا خلصنا المقال الجزء الثاني من السيو

ياريت تشوف الجزء الاول من هنا هيفديك وكمان تستني الجزء الثالث.

تعال رايح فين في حاجات هنا مهمة اديها بصه

 مقالات مقترحة


  • الجزء الاول اتعلم سيو صح من هنا
  • مواقع كورسات مجانيه عشان تتعلم اي شيء من هنا
  • 13 موقع كورسات ودورات في مجالات مختلفة منها البرمجة هتلاقيها هنا
  • كل خدمات جيميل مجمعة في مكان واحد هنا


تعليقات